रतिसुखसारे गतमभिसारे भुवनमनोहरवेषम् ।
न कुरु नितम्बिनि गमनविलम्बनमनुसर तं हृदयेशम् ॥
धीरसमीरे यमुनातीरे वसति वने वनमाली
पीनपयोधरपरिसरमर्वनचञ्चलकरयुगशाली ॥ध्रुवम्॥
नामसमेतं कृतसङ्केतं वादयते मृदुवेणुम् ।
बहु मनुते ननु ते तनुसङ्गतपवनचलितमपि रेणुम् ॥धीर०॥
पतति पतत्रे विचलति पत्रे शङ्कितभवदुपयानम् ।
रचयति शयनं सचकितनयनं पश्यति तव पन्थानम् ॥धीर०॥
मुखरमधीरं त्यज मञ्जीरं रिपुमिव केलिषु लोलम् ।
चल सखि कुञ्जं सतिमिरपुचं शीलय नीलनिचोलम् ॥धीर०॥
उरसि मुरारेरुपहितहारे घन इव तरलबलाके।
तडिदिव पीते रतिविपरीते राजसि सुकृतविपाके ॥धीर०॥
विगलितवसनं परिहृतरसनं घटय जघनमपिधानम् ।
किसलयशयने पङ्कजनयने निधिमिव हर्षनिधानम् ॥धीर०॥
हरिरभिमानी रजनिरिदानीमियमपि याति विरामम ।
प्रमुदितहवयं हरिमतिसवयं नमत सुकृतकमनीयम् ॥धीर०॥
कुरु मम वचनं सत्वररचनं पूरय मधुरिपुकामम्
श्रीजयदेवं कृतहरिसेवे भणति परमरमणीयम्॥धीर०॥
(जयदेव गीत-गोविन्द)
