भागीरथी तव विमलं तोयम् | गङ्गागीतम् | गङ्गास्तुति | आचार्य सूरज कृष्ण शास्त्री

bhagirathi tav vimalam toyam
sanskrit geet

गङ्गागीतम्(राग-दरबारी)

भागीरथि ! तव विमलं तोयम् ।।

पङ्कजवाससुवासित तोयम् ।।

भागीरथि ! तव विमलं तोयम् ।।१।।

कलयति नादं भञ्जति तापम् ।

तरलतरङ्गैः धुन्वति पापम् ।।

चपलविलासैः स्फुरति मनोऽयम् ।

भागीरथि ! तव विमलं तोयम् ।।२।।

जय भागीरथि ! स्वर्गप्रदायिनि !

विबुधजनानां मोक्षप्रदायिनि ।।

कथं विस्मरति तव दासोऽहम् ।

भागीरथि ! तव विमलं तोयम् ।।३।।

रचनाकार- आ. सूरज कृष्ण शास्त्री